അടി തുടങ്ങിയില്ല, വടി വെട്ടാന്‍ പോയതേയുള്ളൂ ...
സര്‍ക്കാര്‍ ജീവനക്കാരുടെ ശമ്പളപരിഷ്ക്കരണം പത്തു വര്‍ഷത്തില്‍ ഒരിക്കല്‍ മാത്രം മതിയെന്നു ശുപാര്‍ശ. അഞ്ചു വര്‍ഷത്തിലൊരിക്കലുള്ള ശമ്പള പരിഷ്കരണം നിര്‍ത്തണം. പബ്ളിക് എക്പെന്‍ഡിച്ചര്‍ റിവ്യൂ കമ്മിറ്റിയുടേതാണു ശുപാര്‍ശ. വിദ്യാഭ്യാസ സ്ഥാപനങ്ങളിലെ ശമ്പളയിനത്തിലുള്ള ചെലവ് കുറയ്ക്കണം. യൂണിവേഴ്സിറ്റി ഗ്രാന്റ് നല്‍കാന്‍ മാനദണ്ഡം ഏര്‍പ്പെടുത്തണമെന്നു കമ്മിറ്റി നിര്‍ദേശിച്ചു. എയ്ഡഡ് വിദ്യാഭ്യാസ സ്ഥാപനങ്ങളിലെ ടീച്ചിങ് ഗ്രാന്റ് നിര്‍ത്തുക. സര്‍ക്കാര്‍ ജോലികള്‍ക്കു പുറംകരാര്‍ മതിയെന്നു കമ്മിറ്റി ശുപാര്‍ശ ചെയ്തു. പുതിയ എയ്ഡഡ് സ്ഥാപനങ്ങള്‍ അനുവദിക്കരുത്. കോഴ്സുകള്‍ അണ്‍എയ്ഡഡ് മേഖലയില്‍ മാത്രം അനുവദിച്ചാല്‍ മതിയെന്നും ശുപാര്‍ശയുണ്ട്. പദ്ധതി രേഖകള്‍ തയാറാക്കുന്നതില്‍ സര്‍ക്കാര്‍ വകുപ്പുകള്‍ വീഴ്ച വരുത്തുന്നു. പദ്ധതി നിര്‍വഹണത്തില്‍ വീഴ്ച വരുത്തുന്ന ഉദ്യോഗസ്ഥര്‍ക്കെതിരെ കര്‍ശന നടപടി വേണം. കാര്‍ഷിക സര്‍വകലാശാല തകര്‍ച്ചയുടെ വക്കിലാണെന്നും എക്സ്പെന്‍ഡിച്ചര്‍ റിവ്യൂ കമ്മിറ്റി വിലയിരുത്തി.
No comments:
Post a Comment