ജോലിയുള്ള പെണ്ണിനെ കെട്ടിക്കൊള്ളുക, ഇല്ലെങ്കില്‍ കാര്യം പോക്ക്.

പങ്കാളിത്ത പെന്‍ഷനില്‍ കയറുന്നവരോട് മനോരമയുടെ ഉപദേശം.

പങ്കാളിത്ത പെന്‍ഷനില്‍ കയറുന്നവരോട് ജോലിയുള്ള പെണ്ണിനെ കെട്ടിക്കൊള്ളാന്‍ മനോരമയുടെ ഉപദേശം.

   മലയാളമനോരമയുടെ ധനകാര്യ പ്രസിദ്ധീകരണമായ മലയാളമനോരമ സമ്പാദ്യം മാസിക (ഒക്ടോബര്‍ 2012 ലക്കം) കവര്‍സ്റ്റോറി ആക്കിയിരിക്കുന്നത് പങ്കാളിത്ത പെന്‍ഷന്‍ ആണ്. "പങ്കാളിത്ത പെന്‍ഷന്‍ യുവജനങ്ങളെ എങ്ങനെ ബാധിക്കും?" എന്ന മുഖ്യലേഖനവും "കുറയുന്ന പെന്‍ഷന്‍ വീണ്ടെടുക്കാനുള്ള വഴികള്‍" എന്ന മാര്‍ഗനിര്‍ദ്ദേശലേഖനവും മലയാള ഭാഷ, സാമാന്യഗണിതം എന്നിവ അറിയാവുന്ന എല്ലാവര്ക്കും മനസിലാകുന്ന തരത്തില്‍ കാര്യങ്ങള്‍ അവതരിപ്പിക്കുന്നു. 1984 ല്‍ എല്‍ ഡി ക്ലാര്‍ക്ക് ആയി ജോലിയില്‍ പ്രവേശിച് 2012 ല്‍ വിരമിച്ച ഒരാള്‍ 10205 രൂപ പെന്‍ഷനും 7 .12 ലക്ഷം രൂപ കമ്മ്യൂട്ടെഷനും വാങ്ങി എന്നും ആയാല്‍ പങ്കാളിത്ത പെന്‍ഷന്‍ സംവിധാനത്തില്‍ ആയിരുന്നെങ്കില്‍ 6212 രൂപ പെന്‍ഷനും 2 .36 ലക്ഷം രൂപ കമ്മ്യൂട്ടെഷനും മാത്രമേ വാങ്ങുകയുള്ളായിരുന്നു എന്നും ലേഖനം വ്യക്തമാക്കുന്നു. നിലവിലുള്ള ജി പി എഫ്, ഗ്രാറ്റ്വിറ്റി എന്നിവയുടെ കാര്യം സൂചിപ്പിക്കുന്നേയില്ല എന്നത് ഗൌരവമായ പോരായ്മയാണ്.

   വളരെ രസം തോന്നുന്ന ഒരു ഉപദേശം 13 - ആം പേജില്‍ "പുതിയ ജീവനക്കാര്‍ വരുമാനം എങ്ങനെ കൈകാര്യം ചെയ്യണം?" എന്ന ബോക്സില്‍ ഉണ്ട്. ഇതാണ്. " വിവാഹം കഴിക്കുമ്പോള്‍ ജോലിയോ വരുമാനമോ ഉള്ള പങ്കാളിയെ തെരഞ്ഞെടുക്കുക" അതെന്തായാലും കൊള്ളാം. പക്ഷെ, സമ്പാദ്യം മുഴുവന്‍ വായിക്കുന്ന ഒരു ചെറുപ്പക്കാരന്‍ കല്യാണമേ വേണ്ട എന്ന് തീരുമാനിക്കാനാണ് സാദ്ധ്യത എന്നുമാത്രം.